فضيحة معرض الموتر للسيارات (مخرج 10)

إيميل وصلني وسائني ماقرأت

ففضلت أن تشاركوني قراءته

---

السلام عليكم ورحمة الله وبركاته
اخواني والله ما ادري وش اقول
الفساد في هالبلد انتشر بشكل مو طبيعي والوضع صار لا يطاق
الغش التجاري في كل مكان والله ذبحونا التجار
والقهر ان ماعندك احد لا وزارة التجارة ولا مكافحه غش
ياربع انا بقولكم ايش صار معاي وانتم احكمو
قبل كم شهر كنت ابحث عن سيارة امريكي مستعمله ونضيفه
فقلت يا ولد روح للمعارض الي في الدائري الشرقي اغلب السيارات امريكي استخدام حشمه اكيد
المهم راحت ولفيت المعارض ولقيت عند معرض الموتر للسيارات الي بين مخرج 10 و 11 سياره
نوع اكاديا موديل 2007 نظيفه وممشاها 24 الف ميل وصراحه خشت مخي
السياره من الخارج زي اللوز يعني مافيها اي شيء وتعتبر مو ماشيه بالنسبه لسنة الصنع 2007
توكلت على الله واشتريت السيارة طبعا شامل ضمان المعرض من صيانه وخلافه
بعد ما شريت السياره سمعت ان فيه مواقع متخصصه لعرض تقارير تخص السيارات الي جايه من امريكا
بموجب رقم الشاسي
المهم اشتركت بموقع معروف بمبلغ وعرض علي تقرير السيارة
السيارة الحمد لله مافيها اي شيء
لكن الغريبه اخر تسجيل للعداد وهي خارجه من الميناء متجهه للسعوديه 85 الف ميل
وانا مسجل العداد انه 24 الف ميل
ايش معناته هذا ((اكيد تم تغيير العداد لرفع قيمه السيارة))
اشتركت في موقع ثاني بمبلغ وكمان عطاني نفس التقرير .. السيارة ماشيه 85 الف ميل
كتبت خطاب جدا مؤدب ومهذب لصاحب معرض الموتر
وعنوانه ((استفسار وتوضيح))
وذكرت له في الخطاب ان العداد يختلف عن ماهو مسجل في بلد المنشاء
انتظرت يوم يومين اسبوع ...مارد علي
وارسل له خطاب ثاني بعنوان ((استفسار وتوضيح للمره الثانيه ))
دق علي بعدها السوداني الي يشتغل عنده
قالي / صاحب المعرض يقول انت وش تبي بالضبط
قلتله ياخوي انا مو راعي مشاكل ولا ابي الا حقي
فرق السعر انتم عدلتو في العداد لرفع سعر السياره وانا ابي حقي
يا اخوان الفرق قرابه ال 61 الف ميل
قالي انا راح ابلغ صاحب المعرض
المهم انتظرت فتره على امل القى تجاوب منهم
لكن ماعندك احد (( من امن العقوبه اساء الادب))
ارسلت له الخطاب الاخير عسى الله يهديه وسلمته للصحب المعرض
عصب وقال بالحرف الواحد (( اذا مو عاجبتك السيارة ردها للمعرض ))
بكذا انا قلت مالي الا امشي بالاجراءات الرسميه
واكتب شكواي لادارة مكافحه الغش التجاري في موقع الوزارة
بعد ما لقيت اجراءات صارمه اتجاه الغش التجاري وادخلو وتاكدو
والله ماكملت نصف ساعه الا متصلين علي من الشرقيه يستفسرون عن الموضوع
اكدت لهم الموضوع وقالو طيب راجع الوزاره
قلت طيب شكواي في الموقع ماتنفع قالو لازم تراجع الوزارة
(( انا مادري ليه حاطين قسم للشكاوي اذا لازم نراجع الوزاره ))
المهم كتبت الشكوى وراجعت الوزارة امام مبنى الاحوال المدنيه في الرياض
وقدمت الشكوى للقسم وصلحت لها رقم وارد وقالو اطلع فوق سلمها الادارة قلت ابشرو بس كذا !!
سلمتها عند احد المسؤولين طالع في الشكوى قالي ماراح تستفيد حاجه
قلت نعم ياخوي
قال اقولك ما راح تستفيد حاجه قلتله ليه ياخوي هذا يعتبر غش تجاري اذا هذا مو غش ايش الغش بالله
قال حنا سحبو الصلاحيات منا والان الاوراق تحال الى هيئة التحقيق والادعاء العام
والهيئه (( على كلامه )) مليانه شكاوي زي كذا وانتظر لين يجيك الفرج
قلت انتم طيب ايش دوركم
طالع بموظف عنده وتبسم
عرفت ان ماعندهم سالف
قالي او تطالبه بالمحكمه قلت ياخوي انا مو فاضي مطارده وراح الرجال بالمحاكم على ثلاث شهور و سته شهور
قلت ليه ما تطلع من عندكم لجنه وتتاكد من كلامي
لان الشخص هذا زي ما غير في عداد السيارة راح يغير في عداد السيارات كلها ويغش الناس كلها
وبعدين انا جيتكم بموجب البنود الي في موقع وزارة التجارة والبند مذكور فيه ان اي غش يتم اكتشافه يتم تغريم الشخص
من 100 الى 500 مع السجن سنتين طيب وين الكلام هذا
قال يا رجال لا تصدق كل الي تقراه
وقال انا اقولك الكلام هذا وانا والله ماعرفك لكن عشان اختصر عليك التعب
قسم بالله حطمني
لو احنا في اوروبا او امريكا كان من زمان ماخذ حقي ..هذا اذا تجرء يغش من اساسه
يالربع انا كل اوراقي موجودة والاثباتات موجود ولو تبون صور والله لاحطها الان على النت عشان تصدقون
انا ابي حاجتين من موضوعي هذا
1- رايكم وش اسوي
2- التحذير من المعرض
حسبي الله ونعم الوكيل
-------------------------------------------
صورة تثبت بان العداد لدى معرض الموتر 24 الف ميل



صورة تثبت ان العداد داخل الولايات المتحدة 58 الف ميل
عن طريق موقع معروف وتم الاشتراك لعرض كامل التقرير


هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 768x1014 وحجمها 76 كيلو بايت .




هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 768x1021 وحجمها 105 كيلو بايت .




هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 768x999 وحجمها 100 كيلو بايت .



احدى الخطابات الموجهه لمعرض الموتر للسيارات


هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 768x852 وحجمها 67 كيلو بايت .



الملصق وعليه رقم الشاسيه

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 793x1189 وحجمها 131 كيلو بايت .



الخطاب الموجهه للوزارة ولم يتم الاستفادة منه

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 768x849 وحجمها 106 كيلو بايت .



غرامه وبنود الغش التجاري كما هو في موقع الوزارة

هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 768x900 وحجمها 112 كيلو بايت .




هذه الصورة تم تصغيرها . إضغط على هذه الصورة لرؤيتها بحجمها الطبيعي . أبعاد الصورة الأصلية 1024x547 وحجمها 110 كيلو بايت .



انتهى

--------------------------------------------------------

بوجهه نظري اخواني بانه يجب فضح كل متلاعب من التجار ومن يتساهل في موضوع الغش التجاري

فعلا من امن العقوبه اساء الادب

بصراحه الوضع يرثاله

وما عندك احد وكلن يلقي باللوم على غيره


والبلد يعاني من سوء في التنظيم والتخطيط وفساد بجميع القطاعات

اذا ابسط الامور اللي سابقتنا فيها دول تعتبر فقيره بالنسبه لنا ما قدرنا نطبقها

ردائه على مستوى الانظمه والبنى التحتيه والصحه والتعليم .. ويا قلب لا تحزن

حتى المواطن يفتقر في كثير من الاحيان للثقافه بغض النظر عن مستوى تعليمه

تذكار

اشكرك اختي على فتح الجروح

ادري بتقولين وشهي جروحه

جروح المواطن السعودي

مع احترامي للجميع

تقبلي مروري

تحياتي لمن دمر حياتي

اول شي الله يسامحك وخيي جرح تعبت عيوني من الخط

بالنسبة للموضوع اختي الغاليه تذكــار

فالنصب والاحتيال موجود موجود

لان فيه ثغرات في النظام يستغلونها هالمحتالين

والله شي محزن ومؤسف ومخزي

نسأل الله سلامه

دمتي بود غاليتي

لو كل واحد منا وقف عند هذا الحد ما راح يتغير شي ومشكلتنا إننا نردد دائماً أنه ما راح يصير شي.. وأنا عندي القناعة والإيمان بأنه لا يضيع حق وراءه مطالب. أرى رفع الموضوع لهيئة التحقيق والإدعاء العام حتى لو أخذ فترة أطول من اللازم. ما يدع "هالغشاشين" وأمثالهم يتمادون في غشهم هو أننا ننسحب من أول خطوة نخطوها لمتابعة المطالبة بحقوقنا..أنا متأكد أن هناك رجالُ طيبون في هذا البلد الطيب ويجب الوصول لهم للوقوف مع كل مطالبنا صغيرها وكبيرها.. واصلي التحدي.. أعانك الله